लुम्विनी प्रदेशको तत्कालिन सामाजिक विकास मन्त्रालय अन्तर्गतका स्वास्थ्य महाशाखाहरुसँग समन्वय गरी मन्त्रालयको प्रादेशिक नीति निर्माणमा सहयोग गर्नुका साथै रणनीति, कार्यक्रम योजना तयार गरी प्रादेशिक स्वास्थ्य कार्यालयहरु मार्फत तपसिल बमोजिमका कार्यहरु गर्ने उद्देश्यले मिति २०७५।०४।०१ गते यस निर्देशनालयको स्थापना गरिएको थियो र हाल लुम्विनी प्रदेशको स्वास्थ्य मन्त्रालयको मातहत रही यस निर्देशनालय मातहत १२ स्वास्थ्य कायालय, १४ अस्पताल र १३ आयुर्वेद स्वास्थ्य केन्द्र तथा चिकित्सालहरु रहेका छन् ।
- प्रदेशको स्वास्थ्य सम्बन्धी कार्यको संस्थागत स्मरण (Institutional memory) कायम राख्न स्वास्थ्य मन्त्रालयको विभागस्तरको कार्य गर्ने ।
- स्वास्थ्य सेवा सम्बन्धी प्रादेशिक अल्पकालिन तथा दीर्घकालिन नीति, योजना तर्जुमा गर्नमा मन्त्रालयलाई आवस्यक सूचना तथा अन्य प्राविधिक सहयोग गर्ने ।
- मातहतका १२ स्वास्थ्य कार्यालय, १३ आयुर्वेद स्वास्थ्य संस्था र १४ अस्पतालहरुलाई सहजिकरण, अनुगमन तथा मूल्याङ्कन गर्ने । ती संस्थाहरुले गरेका कार्यक्रमहरुको समिक्षा गरी सुधारका लागि योजना बनाई मन्त्रालयमा पेश गर्ने ।
- एच. एम. आइ. एस./ एल. एम. आइ. एस. जस्ता स्वास्थ्य क्षेत्रमा विद्यमान सूचना प्रणालीलाई एकिकृत प्रणालीको रुपमा प्रदेशस्तरमा संस्थागत गर्ने ।
- राष्ट्रिय तथा प्रदेश नीति तथा रणनीति अनुसार स्वास्थ्य सम्बन्धी कार्यक्रमहरु प्रदेश तथा स्थानीयस्तरमा कार्यान्वयन गर्न सहजिकरण गर्ने ।
- प्रदेशस्तरीय जनस्वास्थ्य निगरानीका कार्य गर्ने ।
- जनस्वास्थ्य आपतकालिन अवस्था स्वास्थ्य क्षेत्रमा विपद र महामारी व्यबस्थापन गर्ने ।
- जनस्वास्थ्य सम्बन्धी विभिन्न कार्यदलहरुको नेतृत्व गर्ने ।
- गुणस्तरीय र दक्ष नर्सिङ जनशक्तिको उत्पादन तथा परिचालन गर्न आवश्यक मापदण्ड निर्देशिका जारी गर्न सहजीकरण गर्ने ।
निर्देशनालयमा रहेका शाखाहरुः
- योजना अनुगमन तथा नियमन शाखा
- चिकित्सा सेवा तथा रोग नियन्त्रण शाखा
- कार्यक्रम समन्वय तथा जनसंख्या शाखा
- आयुर्वेद तथा वैकल्पिक चिकित्सा शाखा
- नर्सिङ सेवा व्यबस्थापन शाखा
- स्वास्थ्य शिक्षा सूचना तथा संचार शाखा
- प्रशासन शाखा
